Oiso die Gschicht woa a so:
Christian, Jansch, Robert und Peter treffen se zuföllig im Proda, um in an Biergartl
no a paar Bier zu trinken und in da Sun zan sitzn befua de koide Zeit aufaungt.
Weu nuamea a Tisch frei is setzns a se hoid olle zsaum.
Se faschdengan se von Aufaunf au supa und wias draufkumman das ollas Musika san glei no fü bessa!
Sie beschliassn a glei (noch a paar Biere) a gemeinsame Band zum foamian.
Des Ereignis feians natirlich bis eine in die schwoaze Nocht..
Der Weg ham danoch ist laung und hoat, da Robert braucht no a Ettappenbier und daun geht a ham
obwoi da Christian mant „ Oida bleib do“.
Jeden Dienstog aufd Nocht do treffen sa se im Kölla und schbün daß ois nua so boschd.
Se schbün maunchmoi so laut und heftig, daß in Jansch die Uan wia Feia brennan.
Da Beda is irgenwaun ned mea so guat drauf wegn seina Freindin.
Am liabsten gangada auf Urlaub! Weu, warum: Er und Sie haum gstrittn !
Und jetzt tuat er trutzn owa de boys baun eam boid wida auf und manan:
„Beda, Du bist ned da „King von Simmaring“ und waunsd de entschuidigst, foit da ka Perl aus der Krone!
Oiso sei ka Wüdsau und ruaf Dein Engel au! Sog afoch, i muaß wieda zruck zu Dir oda no bessa
du besuchstas mid a boa Rosn daham am Schöpfwerk.“
Da Beda tuat des a und jetzt is wieda ois leiwaund bei de zwaa!
Damit is a natürlich a in der Band wieda voi do und ollas is Liwe Woschtrog !
Owa jetzt, wo se da Robert endlech an Marschl Hefn kauft hod und mit no mea Schbass bei da Soche is
wiads maunchmaoi no lauda wia fuahea.
Do wü da Beda a ned zruckschdeh und kauft se a so an Marschl Hefn damita genausolaud zrucksbün kau!
<
Ergebnis: da Jansch hod an Tinitus und de Nochban beschwean se, und des sehr heftig!
Se haum laung übalegt, wiasase nennan soin owa damit haums a glei eanan Bandnauman, is logisch, oda?
So, jetzt wisstsas !
